يا نهايات الدروب .. 

ياوهم .. فيني لعوب

كاس ظلمك .. ما ملاه إلا العنا

وما ملى عقلك .. وقلبك

لا سواي .. ولا أنا

كل نظره من عيونك

تفضح أسرار الغياب

وكل كلمه من كلامك ..

فيها كذبه ..

 فيها لعبه ..

فيها تجريح وعذاب

حتى ضحكاتك حبيبي

أصبحت مثل السراب

يعني ما تفرق حياتي

ان ظهرت .. أو اختفيت

للأسف ..

من حياتي .. إانتهيت

ومن جروحك .. اكتفيت

ومابقى لك  في حياتي ..

غير ذكرى ..

وصمت يجمعنا ..

ويجمع مواجعنا ..

مابقى لي يا حبيبي

غير بسمه ..

أو نقول ..

شبه بسمه

ابتدت قبل الجفا ..

وانتهت .. قبل الجفا

وصار الطريق كله سيوف

وين ابرحل ..

والدموع مثل الظلال

مره معي ..

ومره تسابق خطوتي

وين ابرحل ..

والطريق كله عذاب

هم بأسبابك .. رقى حد السحاب

وين ابرحل ..

والخفوق اللي طعنته ..

رغم صدك .. والبعاد

رغم هجرك والعناد

كل ليله اسأله ..

ليه ما تنسى وليفك

ليه بردك مثل صيفك

والدفا .. اصبح غريب

عن حدودك ..

عن سما فيها طيوفك !!

ليه ياقلبي تكابر ..

وماعطيته ..

غير سم .. آمرني وحاظر

يظلمك .. ويحب غيرك

وأنت صابر .. !!

وليه صابر !!

لا تكابر .. وتحتري مثله أناني

ضاع يا قلبي هوانا

وصارت الفرحه .. أماني

تكفى ياقلبي .. رجيتك

انسى قلب(ن) حب غيرك

ونام هالليله بصدري

لا جروح

ولا ألم

ولا معاناة ..

وندم

اطفي هالشمعه يا قلبي

ونام هالليله ....

بأمان ...