قلتها .. بلحظة غضب

 "  صبري نضب .. وعزّمت الرحيل  "

...............

مليت هالليل الطويل... !!!

اضوي شموعي وانتظر

فرحة لـُقاك ....

يا غــــايـــــب (ن)

يكفي غياب

يكفي .. تعبت من السراب

والله .. تعبت من السراب

يكفي هجر ..

يكفي ونين

يكفي قهر ..

حزن .. وحنين

تذكر سحايب وصلنا !!

يوم الوصل .. مثل المطر

يروي .. ظمأ قلبي ..

وشوقي .. والوله !!

تذكر .. بداية عشقنا !

يوم الخجل .. فينا طفل

توه تعلم يبتسم

توه نطق .. أول حروف اسمه

وكررها .. بفرح

تذكر متى قلبك قسى !!

يمكن نسى ..

ويمكن تناسى عشقنا !

ويمكن جبرته نفترق .. بنص الطريق

تذكر متى ..

تاهت بك الخطوه ..

وسليت !!

رسمنا الحلم ..

وقبل لا ننهي الوانه..

انتهيت !!

صارت مسافاتك ... وهم

تبتدي من العدم

وتنتهي بهمسة شفاك !!

صارت .. دروبك مظلمه

حتى المشاعر مبهمه ..

أرضك خيال

والواقع سماك ..

شمسك ظلال

وظلاك .. هلاك

ضحكتك مع قسوة جفاك

طيبتك مع قلة وفاك

يا حاير (ن) بين المشاعر

متى يكون .. يوم اللقاء !!

متى يكون .. بردك دفا !!

صبري نضب ..قلبي تعب ..

وعزّمت الرحيل........ ,,,