إهــــــــداء ..
لمن أحببتها ..
أحببت براءتها .. وضحكاتها .. وأمنياتها ..
إليها .. اقدم هديتي هذه ..
مع تمنياتي لها بمديد العمر .. في ظل اسرتها الكريمة ..,,

هذي الطفولة .. ..
والشــــــــــــــــــــغـب ..
والضحكة ..ودموع العتب ..
أقلام / وألوان / وكتب ..
وأحيان .. تكسير الـ لِعب
مرجوحه ..
بأحلامــــــكِ تطــــــــــير..
باكر .. يابنتي .. .. .. .. وش تصير ..!!

باكر .. أشوفكِ تكبرين ..
وتفهمين ..
وتحفظين ... معنى الأدب ..
ممنوع ابد لبس الـ قصير !!
والضحكة .. والهرج الكثير ..
ممنوع إنك تسهرين !!
وأسرار عنــّـي تكتمين !!
هـ الدرس وينه.. ما نكتب !!
يـــااااااااااااغلبـــــــي ..
آآآآآآآآآآآآآآه
يــاااااهـ التعــــــــــب ..
هاتي الحبر .. هاتي الورق
وأملئ ليالينا سهر ..
حفظ ... وارق..
حفظ ... وارق..

وآخر سنه .. تتخرجين
وتفرحين ..
وترقصين .. فوق الكتب
وأنسى أنا ..
ذاك التعب .. ذاك التعب ..
أيام تطوينا .. وتسير ..
باكر .. يا بنتي .. .. .. .. وش تصير ..!!

باكر أشوفك تكبرين ..
وتكبرين ..
وكل الحسن ..
يوقف على بابكِ أسير ..
وذاك الحلا ..
اللي تحت أمرك يسير ..
سحركِ / وغنجكِ / والدلال ..
ولمحة خجل ..
زادت بها عيونكِ .. جمال ..
صمتكِ .. وهمسكِ .. والكلام ..
وحروف .. منطقها مثير ..

باكر أشوفك تكبرين ..

وتكبرين ...
وتكبرين ...
وتشبهين .. طعم السعاده والمرح ..
طرحــــــــه ..
وترنيمة فرح ..
وأحلام تاخذك وتطير ..
لـ دروب من زهر .. وحرير

وابقى أنا في غرفتكِ ..
بين الكتب ..
وجدار من شوق .. وعتب
تخنقني العبره .. عليكِ
تخنقني ...
من شوقي إليكِ ..!!
واحيان .. من خوفي عليكِ ..!!
وأحيان .. .. .. ..
من نفس السؤال ..
باكر .. يابنتي .. .. .. .. وش يصير ..!!
باكر .. يابنتي .. ..
وش يصـــــــــــــــــــــــــــــيــر ..!!

يا طفلتي ..
يادنيتي ..
يافرحه .. بأيامي تسير ..
فيك الأمل .. فيك الرجاء ..
دايم كبير ..
دايم كبير ...............