تبي ترحل .. تبي تبعد !!

بليا عذر .. بليا وداع !

نسيت أول أمانينا

نسيت أحلام ماضينا !

امانه .. وينها دنياك !!

امانه ليه تخلينا !

تركت الدمع ياخّلي

يدّور لـ الألم أسباب ..

يدّور عذر لغيابك

يصبرنا .. ويحيينا

إذا بـ البعد راحاتك ..

وربي ماشكيت الهم

وإذا تنزف جراحاتك ..

تراني بخير .. لا تهتم

ابد يا خلـّي .. لاتهتم

أنا صابر .. أنا أتحمل

أنا أقوى من الأول

أنا جرحي .. بدأ يذبل

بدت أحزانه تتحول ..

تطمن .. جرحي ما ينزف

ولا الآلام .. به تعصف

ولا ليّلي اشتكى نوحي

ولا همتني اجروحي ..

أنا ماهمّي إلا الدرب

عجزت أوصل نهاياته

عجزت افهم معاناته ..

بيديني أضوي الشمعه

ويدينك أنت تطفيها ..

وتطفي تالي الدمعه

فـ عيني أجمل معانيها ..

تعبت اسأل .. تعبت ارحل

ادّور عذر .. لغيابك

تعبت أقول لاطيافك ..

بربك .. لا تجافينا !!

ولا تنسى مراسينا !!

بربك لاتخلينا ..

بربك لاتخلينا ..